ICAI CA EXAM 2024: आयसीएआय सीए इंटर एक्झामचे रजिस्ट्रेशन सुरू, इतके परीक्षा शुल्क असेल, सप्टेंबर मध्ये परीक्षा

ICAI CA Exam 2024: ICAI म्हणजेच इन्स्टिट्यूट ऑफ चार्टर्ड तर्फे सप्टेंबर २०२४ मध्ये घेतल्या जाणाऱ्या सीए इंटर या परीक्षेच्या संदर्भात माहिती जाहीर केली आहे. यानुसार सीए इंटर ही परीक्षा दिनांक १२ सप्टेंबर २०२४ ते २३ सप्टेंबर २०२४ यादरम्यान घेतली जाईल. ही परीक्षा देण्यासाठी इच्छुक विद्यार्थ्यांनी परीक्षेसाठी असलेला फॉर्म काळजीपूर्वक भरणे आवश्यक आहे. हा फॉर्म ७ जुलै २०२४ पासून सर्वांसाठी खुला झाला आहे. तो भरण्यासाठी २० जुलै २०२४ पर्यंत मुदत देण्यात आली आहे. जर विद्यार्थी सीए इंटरमिजिएट परीक्षेसाठी चा फॉर्म २० जुलै २०२४ नंतर भरत असतील तर मात्र त्यांच्याकडून तो फॉर्म भरताना अधिक शुल्क आकारले जाईल.

CA Inter Form, Important Dates: हा फॉर्म भरण्यासाठीच्या महत्त्वाच्या तारखा पुढीलप्रमाणे:

७ जुलै २०२४	फॉर्म भरून रजिस्ट्रेशन करण्यासाठी सुरुवात
२० जुलै २०२४	दंडात्मक शुल्क शिवाय फॉर्म भरण्याची शेवटची तारीख
२३ जुलै २०२४	दंडात्मक शुल्क भरून फॉर्म भरण्याची शेवटची तारीख
२४ जुलै २०२४	फॉर्म मध्ये काही सुधारणा असल्यास त्यासाठी बदल करता येतील
२६ जुलै २०२४	फॉर्ममध्ये बदल करण्यासाठीची शेवटची तारीख

जर विद्यार्थ्याने १ मे २०२४ आधी फाउंडेशन कोर्स मध्ये नोंदणी केली असेल तर तो सीए इंटरमिजिएट परीक्षा २०२४ देण्यासाठी पात्र धरला जाईल.

Steps to fill the CA Inter Form: जर तुम्ही सीए इंटरमिजिएट परीक्षा यावर्षी देत असाल तर तुम्ही या पॉईंट्स च्या मदतीने त्यासाठीचा फॉर्म भरू शकता.

• ICAI च्या www.eservices.icai.org या अधिकृत संकेतस्थळाला भेट द्या.
• तिथे तुम्हाला तुमचे युजरनेम आणि पासवर्ड विचारला जाईल. हे भरून तुम्ही त्या संकेतस्थळावर लॉगिन करू शकता.
• तिथे तुम्हाला सीए इंटर परीक्षा साठी चा अर्ज दिसेल, तो अर्ज भरून झाल्यावर त्यासाठी आवश्यक असलेले शुल्क तुम्हाला ऑनलाईन पद्धतीने भरावे लागेल.
• अर्ज भरून झाल्यावर त्यात विचारण्यात आलेली आवश्यक ती कागदपत्रे, तुमचा फोटो, आणि तुमची सही हे तिथे अपलोड करा
• पुढे तुम्हाला हा फॉर्म सेव्ह करायचा आहे. पुढील गरजेच्या कामांसाठी तुम्ही हा फॉर्म तुमच्याकडे डाऊनलोड करून देखील ठेवू शकता

CA Inter Exam Fee: सीए इंटरमिजिएट 2024 देण्यासाठी उमेदवारांना इतके परीक्षा शुल्क भरावे लागेलयुनिट १ मधील विद्यार्थ्यांसाठी परीक्षा शुल्क - १५००/-

विलंब शुल्क - ६००/-

युनिट २ मधील विद्यार्थ्यांसाठी परीक्षा शुल्क - २७००/-

विलंब शुल्क - ६००/-

नेपाळ, भूतान येथील विद्यार्थ्यांसाठी परीक्षा शुल्क वेगळे असतील परंतु विलंब शुल्क म्हणून ६००/- च आकारले जातील. अबुधाबी, दोहा, दुबई इत्यादी देशांमधील विद्यार्थ्यांसाठी डॉलर्स मध्ये परीक्षा शुल्क आणि विलंब शुल्क भरावे लागेल. या संदर्भातील अधिक माहितीसाठी www.icai.org या अधिकृत संकेतस्थळाला भेट द्या.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-10T04:03:18Z