INDIAN AIR FORCE JOBS 2023: भारतीय वायुसेनेने ३२७ जागांवर भरती; २५० रुपये अर्ज शुल्क आणि १ लाख ७० हजारांहून अधिक पगार
Indian Air Force Recruitment 2023 : भारतीय हवाई दलाने विविध पदांच्या भरतीसाठी अधिसूचना जारी केली आहे. ही जागा फ्लाइंग, टेक्निकल, नॉन टेक्निकल, एंट्री आणि इतर विभागांमधील जागांसाठी ही भरती होणार आहे. ज्या उमेदवारांना अर्ज करायचा आहे ते भारतीय हवाई दलाच्या अधिकृत वेबसाइट https://afcat.cdac.in/AFCAT/ वर जाऊन १ डिसेंबरपासून अर्ज करू शकतात.
(फोटो : Indian Air Force अधिकृत वेबसाइट)
शैक्षणिक पात्रता :
AFCAT 2024 मध्ये सहभागी होण्यासाठी, उमेदवारांकडे बॅचलर पदवी असणे आवश्यक आहे. मात्र, वेगवेगळ्या पदांच्या भरतीसाठी पात्रता वेगळी आहे. अधिक माहितीसाठी, उमेदवार अधिकृत वेबसाइटवरील मूळ जाहिरात पाहू शकतात.
पदभरतीचा तपशील :
भारतीय हवाई दलाद्वारे जारी केलेल्या अधिसूचनेनुसार, सदर भरती अंतर्गत विविध पदांवरील तब्बल ३२७ जागांवर भरती केली जाणार आहे.
पोस्टनिहाय पदभरतीचा तपशील खाली दिलेला आहे :
AFCAT (फ्लाइंग): ३८ जागा
AFCAT ग्राउंड ड्यूटी (तांत्रिक/AE-L) : १२५ जागा
AFCAT ग्राउंड ड्यूटी (तांत्रिक/ AE-M) : ५० जागा
AFCAT ग्राउंड ड्यूटी (नॉन टेक्निकल/प्रशासक) : ५० जागा
AFCAT ग्राउंड ड्यूटी (नॉन टेक्निकल/एलजीएस) : १३ जागा
AFCAT ग्राउंड ड्यूटी (गैर तांत्रिक/लेखा) : १३ जागा
AFCAT ग्राउंड ड्यूटी (गैर तांत्रिक/शिक्षण) : १० जागा
AFCAT ग्राउंड ड्यूटी (नॉन टेक्निकल/वेपन सिस्टम WS शाखा) : १७ जागा
मेट्रोलॉजी प्रवेश : ११ जागा
NCC स्पेशल एंट्री (फ्लाइंग): PC साठी CDSE च्या १० % जागा आणि SSC साठी AFCAT च्या १० % जागा रिक्त आहेत.
वयोमर्यादा :
AFCAT च्या विविध पदांसाठी अर्ज करणाऱ्या उमेदवारांचे किमान वय २० वर्षांपेक्षा जास्त आणि कमाल वय २४ वर्षांपेक्षा जास्त नसावे.
तथापि, ग्राउंड ड्युटी किंवा तांत्रिक पदांसाठी अर्ज करणाऱ्या उमेदवारांसाठी कमाल वयोमर्यादा २६ वर्षे निश्चित करण्यात आले आहे.
NCC प्रमाणपत्र धारक उमेदवारांना वयात सवलत दिली जाईल.
अर्ज शुल्काविषयी :
AFCAT एंट्री पोस्टसाठी शुल्क २५० रुपये आहे.
तर, NCC स्पेशल आणि मेट्रोलॉजी पोस्टसाठी अर्जासाठी कोणतेही शुल्क नाही.
मिळणार एवढा पगार :
फ्लाइंग ऑफिसरचा महिन्याला ५६ हजार १०० रुपये ते १ लाख ७७ हजार ५०० रुपये प्रति महिना असेल.
इतरांच्या पगाराचा तपशील अधिसूचनेत उपलब्ध नसल्यामुळे, निवड प्रक्रियेदरम्यान याबद्दल अधिक माहिती मिळू शकेल.
याप्रमाणे अर्ज करा:
- उमेदवार अधिकृत वेबसाइट https://afcat.cdac.in/AFCAT/ ला भेट देतात .
- येथे सर्वप्रथम तुम्हाला तुमचा तपशील भरून नोंदणी करावी लागेल.
- त्यानंतर उमेदवारांना नोंदणीकृत ईमेल आयडी आणि नोंदणीकृत मोबाइल क्रमांकावर यूजर आयडी आणि पासवर्ड मिळेल.
- युजर आयडी आणि पासवर्डने लॉग इन करून उमेदवारांना त्यांचा अर्ज भरावा लागेल.
- यानंतर फॉर्म सबमिट करा. त्याची अर्ज फी भरावी लागेल.
- अर्ज करण्यासाठी थेट लिंक (ही लिंक १ डिसेंबर रोजी सक्रिय होईल).