GWALIOR GIRL KIDNAPPED: ग्वॉल्हेरमध्ये भरदिवसा तरुणीचं अपहरण, धक्कादायक घटना CCTV मध्ये कैद

MP girl Kidnapped: ग्वॉल्हेरमध्ये एका मुलीचे अपहरण झाल्याची घटना समोर आली आहे. मास्क घातलेल्या दोन नराधमांनी या मुलीला जबरदस्तीने बाईकवर बसवून तिचे अपहरण केले. ग्वॉल्हेरमधील पेट्रोल पंपवार ही घटना घडली, तेथील सीसीटीव्ही फुटेजमध्ये संपूर्ण घटनाक्रम कैद झाला आहे. दोन तरुण दुचाकीवर येतात आणि मुलीला जबरदस्तीने घेऊन जाताना या सीसीटीव्हीमध्ये दिसत आहे. ही घटना घडली तेव्हा मुलगी भिंडहून ग्वाल्हेरला तिच्या नातेवाईकाच्या घरी जात होती.

दरम्यान पोलिसांनी या प्रकरणात मोठा खुलासा केला आहे. या प्रकरणातील आरोपी मुलीच्या गावाशी संबंधित असून त्यांनी यापूर्वीही गुन्हे करण्याचा प्रयत्न केला असल्याचा दावा पोलिसांनी केला आहे. सध्या या दोन्ही आरोपींची ओळख पोलिसांनी उघड केलेली नाही. ते फरार असून पोलिस त्यांचा कसून शोध घेत आहेत.

याविषयी अधिक माहिती अशी की, सोमवारी सकाळी भिंडच्या लाहार शहरातील अस्वार पोलीस ठाण्यांतर्गत असलेल्या बऱ्हा गावात राहणारी एक मुलगी आपल्या कुटुंबासह बसमध्ये चढली आणि झाशी रोड बसस्थानकाजवळ उतरली. याच दरम्यान तेथे संधी साधून दोन मास्क हल्लेखोरांनी तिला जबरदस्तीने दुचाकीवरून बसवले आणि तिचे अपहरण केले. अपहरण झालेली मुलगी सेवाधा कॉलेजमध्ये पदवीधर आहे.

मुलीच्या कुटुंबीयांनी सांगितले की, मुलगी एका कौटुंबिक कार्यक्रमात सहभागी होण्यासाठी कुटुंबासह ग्वॉल्हेरला आली होती. बसमधून खाली उतरल्यानंतर ती तिच्यासोबत असलेल्या एका मुलाला घेऊन शौचालयात गेली. तेवढ्यात मागून दुचाकीवरून आलेल्या दोन मुखवटाधारी गुन्हेगारांनी तिचे अपहरण केले. नराधमांनी मुलीला जबरदस्तीने दुचाकीवर बसवून तेथून पळ काढला. यावेळी कुटुंबीय बसमधून सामान उतरवत होते. 23 नोव्हेंबर रोजी जवळच्या नातेवाईकाच्या नवीन बांधलेल्या घराच्या वास्तूपुजेच्या समारंभात सहभागी होण्यासाठी जात होते. ग्वॉल्हेरमधील कैलास टॉकीजजवळ जवळचे नातेवाईक राहतात असे कुटुंबियांनी सांगितले.

या घटनेला दुजोरा देताना ग्वाल्हेरचे पोलीस अधीक्षक राजेश सिंह चंदेल यांनी दावा केला की, दिवाळीच्या सुमारास फरार झालेला एक आरोपी बरहा गावातील मुलीच्या घरी आला होता. तिथे त्याचा मुलीच्या कुटुंबाशी वाद झाला होता. मात्र वादाचे कारण काय होते याचा तपास पोलीस करत आहेत. या प्रकरणाचाही प्रेमप्रकरणाशी संबंध असण्याची शक्यता पोलिसांनी वर्तवली असून तपास सुरू आहे.

2023-11-20T10:47:57Z dg43tfdfdgfd