Pune Ganesh Visarjan 2024: सर्वांच्या लाडक्या गणपती बाप्पाला उद्या म्हणजेच अनंत चतुर्दशीला निरोप दिला जाणार आहे. या पार्श्वभूमीवर पुण्यात विसर्जनाची तयारी सुरु झाली आहे. पुण्यातील गणेशोत्सव जगप्रसिद्ध आहे. येथील गणेशोत्सवाची सांगता देखील दिमाखदार पद्धतीने होते. या ठिकाणी भव्य विसर्जन मिरवणूक पार पडते. गणेश विसर्जनासाठी पुणेकर, पोलिस, पालिका प्रशासन सज्ज झाले आहे. गणेश विसर्जन हे निर्विघ्न पार पडावे यासाठी साडेसहा हजार पोलिसांचा बंदोबस्त तैनात करण्यात येणार आहे. यासह विसर्जन मार्गावर सीसीटीव्ही कॅमेऱ्यांसह पोलिस कर्मचारी तैनात राहणार आहे.
नेहमीप्रमाणे यंदाही पुण्यात गणेशोत्सवाचा जल्लोष आहे. पुण्याचा गणेशोत्सव जगप्रसिद्ध आहे. अशात मंगळवारी गणेश विसर्जन पार पडत आहे. लक्ष्मी रस्ता, कुमठकेर रस्ता, केळकर रस्ता, टिळक मार्गांवरून विसर्जन मिरवणूक जाणार आहे. दरम्यान, विसर्जन मार्गात कोणताही अडथडा किंवा विघ्न येवू नये म्हणून तसेच कायदा सुव्यवस्थेच्या दृष्टीने मुख्य विसर्जन मार्गासह उपनगरात पोलिस तैनात राहणार आहे.
पुण्यातील गणेशोत्सव आणि गणपती विसर्जन मिरवणूक पाहण्यासाठी मोठ्या प्रमाणात गणेश भक्तांची गर्दी होते. भाविक ही मिरवणूक पाहण्यासाठी आपापली वाहने घेऊन येतात. ही बाब लक्षात घेता प्रशासनातर्फे पार्किंगची खास व्यवस्था करण्यात आली आहे. विसर्जन मिरवणूक पाहण्यासाठी येणाऱ्या भाविकांच्या वाहनांसाठी पुण्यात 13 ठिकाणी पार्किंग व्यवस्था करण्यात आली आहे.
कायदा व सुव्यवस्थेसाठी गणेश विसर्जन मिरवणुकीदरम्यान पोलिसांचा मोठा बंदोबस्त तैनात राहणार आहे. यासह विसर्जनादरम्यान संशयितांच्या हालचालींवर लक्ष ठेवण्यासाठी सीसीटीव्हींची करडी नजर देखील राहणार आहे. एकंदरीत संपूर्ण बंदोबस्तासाठी 6 हजारांपेक्षा जास्त पोलिस तैनात राहणार आहेत. तर महिलांची छेडछाड, सोनसाखळी आणि मोबाईल चोरी करणाऱ्याना आळा घालण्यासाठी पोलिसांची स्वतंत्र पथके तैनात राहतील. दरम्यान, शहराच्या मध्यवर्ती भागातील प्रमुख रस्ते आणि अंतर्गत रस्ते वाहतुकीस बंदी राहतील.