CONGRESS MANIFESTO: काश्मिरी पंडितांचे पुनर्वसन, कुटुंबप्रमुखाला दरमहा 3000 रु, काँग्रेसचा जाहीरनामा प्रसिद्ध

जम्मू आणि काश्मीर : जम्मू आणि काश्मीर विधानसभा निवडणुकीसाठी भाजप पाठोपाठ आता कॉंग्रेसने देखील आपला जाहीरनामा आज ( 16 सप्टेंबर) प्रसिद्ध केला आहे. काँग्रेसने आपल्या या जाहीरनाम्याला 'अब बदलेगा हालत' असे नाव दिले आहे. काँग्रेस नेते पवन खेडा आणि तारिक हमीद करा यांनी जाहीरनाम्याचे वाचन केले.

जम्मूचा कारभार दिल्लीतून चालवला जातो

कॉंग्रेस नेते म्हणाले की, ''गेल्या 10 वर्षांपासून काश्मीरच्या हृदयाला जखमा झाल्या आहेत, परंतु आता त्या बऱ्या होण्याची वेळ आली आहे.आमच्याकडे टीम आहेत आणि आम्ही त्यांचे इनपुट गोळा केले आहेत आणि आम्ही त्याला लोकांचा जाहीरनामा म्हणतो. खोऱ्यातील लोक त्यांचे दु:ख कोणाकडेही मांडू शकत नाहीत, कारण त्यांचे ऐकणारे कोणीच नाही. याचाच अर्थ असा की येथील कारभार थेट दिल्लीतून चालवला जातो.

काश्मीर हे स्वप्नांचे स्मशान बनले आहे

पवन खेडा म्हणाले की, ''काश्मीर हे स्वप्नांचे स्मशान बनले आहे. जाहीरनामा हा दस्तऐवज केवळ आश्वासनांचा ढीग नाही.आम्ही नेहमी अधिकारांवर बोलतो कारण संपूर्ण राज्यघटना अधिकार आणि हक्कांवर आधारित आहे. काश्मीरमधील जनतेला त्यांचे हक्क मिळाले पाहिजेत.परंतु केंद्र सरकारने अधिकार हिरावून घेतले गेले आणि काश्मीरला केंद्रशासित प्रदेश बनवले गेले.

काँग्रेसच्या जाहीरनाम्यातील ठळक मुद्दे

1) जम्मू-काश्मीरला राज्याचा अधिकार देणार.

2) महिलांचा सन्मान, आमचे हक्क - आम्ही घरच्या प्रमुखाला दरमहा 3000 देण्यात येणार.

3) स्वयं-सहायता गटांसाठी 5 लाखांपर्यंत बिनव्याजी कर्ज मिळणार.

4) प्रत्येक कुटुंबाला 25 लाखांपर्यंतचा आरोग्य विमा देण्यात येणार. तसेच 30 मिनिटांत परवडणारी आरोग्य सेवा आणि तहसीलमध्ये रुग्णवाहिकेसह सुसज्ज क्लिनिक सुरू करणार.

5) प्रत्येक जिल्ह्यात सुपर स्पेशालिटी हॉस्पिटल असणार.

6) काश्मिरी पंडितांचे हक्क- काश्मिरी पंडितांच्या पुनर्वसनासाठी डॉ. मनमोहन सिंग यांची योजना पूर्णत: अंमलात आणली जाणार

7) ओबीसींचे हक्क- मागासवर्गीयांना संविधानानुसार पूर्ण अधिकार देणार.

8) आमची नोकरी, आमचे हक्क अंतर्गत 1 लाख रिक्त नोकऱ्या भरल्या जाणार.

9) आमचे धान्य, आमचा हक्क अंतर्गत कुटुंबातील प्रत्येक सदस्याला 11 किलो रेशन मिळणार.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-09-16T15:41:39Z dg43tfdfdgfd