Cidco Lottery 2024 Mumbai: तुम्ही सिडकोच्या घरासाठी अर्ज केला असेल तर तुमच्यासाठी महत्त्वाची बातमी आहे. सिडकोने तळोजा आणि द्रोणागिरी येथील 3322 गृहयोजना सन 2024 च्या सुरुवातीला जाहीर केली होती. घरांच्या सोडतीबाबत मोठी अपडेट समोर आली आहे. सिडकोच्या घरांसाठी अर्ज केलेल्या नागरिकांना मोठा दिलासा मिळाला आहे.सिडकोने अधिकृत संकेतस्थळावर प्रलंबित सोडतीची तारीख जाहीर करण्यात आली आहे.
सिडकोच्या अनेक गृहप्रकल्प योजनांच्या माध्यमातून मुंबईतील सामान्य नागरिकांच्या हक्काच्या घराचं स्वप्न पूर्ण झालं आहे. अशातच सिडकोने 2024 मध्ये प्रजासत्ताक दिनी तळोजा आणि द्रोणागिरी येथील 3322 गृहयोजना जाहीर केली होती. या गृहयोजनेतील घरांच्या सोडतीची अपेक्षित तारीख 19 एप्रिल सांगण्यात आली होती. मात्र, त्या दिवशी सोडत जाहीर झाली नाही. आता 8 मे रोजी ही प्रलंबित सोडत जाहीर केली जाईल, असे संकेतस्थळावर सिडकोकडून सांगण्यात आले आहे. पण, सध्या लोकसभा निवडणुकीची आचारसंहिता सुरू आहे. त्यामुळे या दरम्यान सोडत जाहीर होणार की नाही, असा प्रश्न अर्ज करणाऱ्यांना पडला आहे. महाराष्ट्रासह देशात जून महिन्याच्या पहिल्या आठवड्यात आचारसंहिता संपणार आहे. त्यानंतर सोडत जाहीर होईल, असेही बोलले जात आहे.दुसरीकडे,सिडकोने आता संगणकीय सोडतीसाठी अर्थात ऑनलाईन लॉटरीसाठी 8 मे ऐवजी 7 जूनची तारीख निश्चित केल्याचीही चर्चा सुरू आहे.
सिडकोने नवी मुंबईसह जवळच्या परिसरात परवडणारी घरं आणि व्यावसायिक गाळे उपलब्ध करून दिले जातात. सिडकोने तळोजा आणि द्रोणागिरी येथे जाहीर केलेल्या गृहप्रकल्पात 3322 घरे आहेत. त्यापैकी 61 घरे ही द्रोणागिरी नोड आणि 251 घरे तळोजा येथी पंतप्रधान आवास योजनेअंतर्गत आर्थिकदृष्ट्या दुर्बल घटकांसाठी आहेत. तर द्रोणागिरीतील 374 आणि तळोजातील 2636 घरं सर्वसाधारण घटकांसाठी उबलब्ध करून दिली आहेत.
देशात लोकसभा निडणुकीच्या पार्श्वभूमीवर आचारसंहिता सुरू आहे आणि ह्याच कारणास्तव सिडकोने घरांची सोडत पुढे ढकलण्यात आल्याची प्राथमिक माहिती मिळाली आहे. त्यामुळे घराच्या सोडतीची नेमकी तारीख कोणती, असा गोंधळ अर्जदारांमध्ये निर्माण झाला आहे.
2024-05-02T07:32:11Z dg43tfdfdgfd