DONALD TRUMP NEWS : ट्रम्प यांच्यावर पुन्हा हल्ला, फ्लोरिडात गोळीबाराने खळबळ

वॉशिंग्टन : अमेरिकेच्या राष्ट्राध्यक्षपदाची निवडणूक जसजशी अंतिम टप्प्यात येत आहे तसतसे आरोप प्रत्यारोप वाढत चालले आहेत. माजी राष्ट्राध्यक्ष डोनाल्ड ट्रम्प आणि उप राष्ट्राध्यक्ष कमला हॅरिस यांच्यात राष्ट्राध्यक्षपदासाठी लढत होत आहे. दरम्यान, पुन्हा एकदा डोनाल्ड ट्रम्प यांच्यावर गोळीबार झाल्याची घटना घडलीय. सुदैवाने ट्रम्प या गोळीबारातून वाचले असून ते सुरक्षित आहेत. रविवारी दुपारी फ्लोरिडातल्या ट्रम्प इंटरनॅशनल गोल्फ कोर्सजवळ ही घटना घडली. ट्रम्प यांच्यावर जवळून गोळ्या झाडण्यात आल्या. तर एफबीआयने या घटनेचा तपास सुरू केला असून हा हत्येचा प्रयत्न होता असंही म्हटलंय. ट्रम्प यांच्या प्रवक्त्यांनी आणि गुप्तचर विभागाने याबाबत माहिती दिली.

अमेरिकेच्या अध्यक्षपदाच्या निवडणुकीतील रिपब्लिकन पक्षाच्या उमेदवाराला लक्ष्य करून हा गोळीबार करण्यात आल्याचे एफबीआयने स्पष्ट केले आहे. मात्र, हा दुसरा हत्येचा प्रयत्न फसला. याआधीही एका रॅलीत ट्रम्प यांना मारण्याचा प्रयत्न झाला होता. गोळीबाराच्या घटनेवर डोनाल्ड ट्रम्प यांनी या गोळीबाराला घाबरत नसल्याचे स्पष्टपणे सांगितले आहे. तो कोणत्याही किंमतीला शरण जाणार नाही. यूएस इंटेलिजन्स सर्व्हिसने सांगितले की ते या प्रकरणाचा तपास करत असून ही घटना दुपारी 2 वाजण्याच्या सुमारास घडली. डोनाल्ड ट्रम्प हे हल्लेखोराचे लक्ष्य असल्याचे सांगण्यात आले.

वृत्तसंस्था रॉयटर्सने दिलेल्या माहितीनुसार, ट्रम्प इंटरनॅशनल गोल्फ कोर्सजवळ झालेल्या गोळीबारावर डोनाल्ड ट्रम्प यांनी आपल्या समर्थकांना संदेश दिला. तो म्हणाला की मी सुरक्षित आहे. माझ्या व्हिन्सिटीमध्ये गोळीबार झाला. कोणत्याही अफवा येण्याआधी, मी तुम्हाला सांगू इच्छितो की मी पूर्णपणे सुरक्षित आणि उत्तम आहे. मला कोणीही वाकवू शकत नाही. मी कधीही शरणागती पत्करणार नाही. अमेरिकन पोलिसांनी दिलेल्या माहितीनुसार, आरोपीला अटक करण्यात आली आहे. रायन वेस्ली रुथ असे त्याचे नाव आहे.