IRCTC Economy Food : रेल्वेने प्रवास करणाऱ्या प्रवाशांसाठी एक महत्त्वाची अपडेट समोर आली आहे. मध्य रेल्वेने भारतीय रेल्वे केटरिंग अँड टुरिझम कॉर्पोरेशन (IRCTC) च्या मदतीने एक चांगली सुविधा सुरु केली आहे. त्यानुसार, आता प्रवाशांना, विशेषत: अनारक्षित डब्यांमध्ये (जनरल क्लास कोच) स्वस्त दरात चविष्ट जेवण मिळणार आहे. फक्त 20 रुपयात या जेवणाची चव प्रवाशांना घेता येणार असल्याने प्रवाशांना मोठा दिलास मिळणार आहे. सध्या उन्हाळ्याची सुट्टी त्यात लग्न सराई असल्याने रेल्वेत प्रवाशांची मोठ्याप्रमाणात गर्दी वाढली आहे. प्रवाशांची वाढलेली गर्दी लक्षात घेता प्रवाशांच्या सुविधेसाठी भारतीय रेल्वेने अनारक्षित डब्यांमध्ये (जनरल क्लास कोच) प्रवास करणाऱ्या लोकांना सोयीस्कर आणि परवडणारे जेवन उपलब्ध करुन दिले आहे.
या सुविधेंतर्गत प्रवाशांना फक्त 20 रुपयात जेवण मिळणार आहे. हे जेवण पौष्टीक तसेच प्रवाशांना परवडणारे आहे. तसेच ज्यांना हलका नाश्ता हवा आहे. त्यांच्यासाठी 50 रुपयाच नाश्ता उपलब्ध आहे.
प्रवाशांना हे जेवण सहज उपलब्ध व्हावे. यासाठी जेवण आणि पाण्याचा स्टॉल प्लॅटफॉर्मवरील अनारक्षित डब्यांच्या (सामान्य श्रेणीचे डबे) जवळ असलेल्या काउंटरवर उपलब्ध करून देण्यात आले आहे. या काउंटरवरून प्रवासी त्यांचे जेवण थेट खरेदी करू शकतात, त्यामुळे विक्रेत्यांना शोधण्याची किंवा स्टेशनच्या बाहेर जाण्याची गरज नाही.
प्रवाशांच्या सुविधेसाठी गेल्या वर्षी सुमारे 51 स्थानकांवर या सेवेची यशस्वी चाचणी घेण्यात आली. ही चाचणी यशस्वी झाल्याने आता 100 हून अधिक स्थानकांवर आणि एकूण 150 काउंटरवर कार्यरत आहेत. भविष्यात आणखी स्थानकांचा समावेश करून या उपक्रमाचा आणखी विस्तार करण्याची योजना आहे.
मुंबई विभाग - इगतपुरी आणि कर्जत
भुसावळ विभाग - मनमाड, खंडवा, बडनेरा आणि शेगाव
पुणे विभाग - पुणे, मिरज, दौंड आणि साईनगर शिर्डी
नागपूर विभाग - नागपूर आणि वर्धा
सोलापूर विभाग - सोलापूर, वाडी आणि कुर्डुवाडी
2024-04-25T07:11:50Z dg43tfdfdgfd