Kadambari Jethwani Case: आंध्र प्रदेश सरकारने एक मोठा निर्णय घेतला आहे. मुंबईतील मॉडेल आणि अभिनेत्री कादंबरी जेठवानीला चुकीच्या पद्धतीने अटक करुन तिचा छळ करणाऱ्या डीजी रँकच्या एका अधिकाऱ्यासह तीन आयपीएस अधिकाऱ्यांचं निलंबन करण्यात आलं आहे. अभिनेत्रीने केलेल्या तक्रारीनंतर ही कारवाई करण्यात आली आहे. या प्रकरणात योग्य तपास न करता मुंबईतील अभिनेत्री -मॉडेल कादंबरी जेठवानीला अटक करण्यात आली. (3 IPS Officers Arrested In Kadambari Jethwani Case)
आंध्र प्रदेश सरकारने या प्रकरणात निलंबित केलेल्या पोलीस अधिकाऱ्यांमध्ये माजी गुप्तचर विभाग प्रमुख पी. सीताराम अंजनेयुलु (डीजी रँक), माजी विजयवाडा पोलीस आयुक्त क्रांती राणा टाटा (महानिरीक्षक रँक) आणि माजी पोलीस उपायुक्त विशाल गुन्नी (अधीक्षक रँक) यांचा समावेश आहे. या प्रकरणाची सध्या खूप चर्चा सुरु आहे.
जेठवानीचे वकील एन. श्रीनिवास यांनी आरोप केला आहे की, विद्यासागर यांनी कादंबरी आणि तिच्या कुटुंबियांना अडकवण्यासाठी जमिनीची खोटी कागदपत्रे तयार करण्यात आली. पोलिसांनी त्यांना जामीनासाठी अर्ज करण्याची परवानगी दिली नाही. आंध्र प्रदेश सरकारने पोलीस अधिकाऱ्यांच्या मनमानी कारभारामुळेच निलंबनाची कारवाई केली आहे. पोलिसांनी हे प्रकरण हाताळताना निष्काळजीपणा दाखवल्याने त्यांच्यावर कारवाई करण्यात आली. तसेच कादंबरी जेठवानीच्या विरोधात 2 फेब्रवारीला एफआयआर दाखल करण्यात आली होती. पण अटकेचे आदेश 31 जानेवारीला देण्यात आले होते.