Maharashtra Rain Update: गेल्या अनेक दिवसांपासून राज्यात अतिमुसळधार पाऊस पडत आहे. आधी कोकण, त्यानंतर विदर्भ आणि आता पुण्यात पावसाचा कहर पहायला मिळत आहे. कोकणासह सातारा, सांगली आणि कोल्हापुरातील नद्यांनी धोक्याची पातळी ओलांडली आहे. त्यामुळे अनेक जिल्ह्यांमधील जनजीवन विस्कळीत झाले आहे. आजही राज्यातील काही भागात मुसळधार पावसाची शक्यता आहे. आज राज्याच्या कोणत्या भागात कसे हवामान असेल ते जाणून घेऊयात.
हवामान विभागाने आज राज्यातील रायगड, रत्नागिरी, सिंधुदुर्ग, चंद्रपूर गडचिरोली, गोंदिया, पुणे व सातारा जिल्ह्यांना ऑरेंज अलर्ट जारी केला आहे. त्यामुळे या भागात आज मुसळधार पावसाची शक्यता आहे. त्यामुळे आजही या सर्व जिल्ह्यांमध्ये जनजीवन विस्कळीत होण्याची शक्यता आहे. त्यामुळे आज नागरिकांनी विनाकारण घराबाहेर पडू नये असे आवाहन प्रशासनाकडून करण्यात आले आहे. मात्र जर तुम्हाला घराबाहेर पडायचे असल्यास योग्य ती खबरदारी घ्यावी असंही हवामान विभागाने सांगितले आहे.
आज राज्यात पावसाचा जोर किंचित कमी असणार आहे. आज हवामान विभागाने मुंबई, पालघर व ठाणे जिल्ह्याला पावसाचा यलो अलर्ट जारी केला आहे. त्यामुळे या भागात काही ठिकाणी मुसळधार आणि इतर भागात हलक्या स्वरुपाच्या पावसाची शक्यता आहे. त्यामुळे नागरिकांनी योग्य ती खबरदारी घेण्याचे आवाहन प्रशासकीय अधिकाऱ्यांनी केले आहे.
आज आणि पुढील काही दिवस विदर्भात मुसळधार पावसाची शक्यता आहे. चंद्रपूर, गडचिरोली आणि गोंदिया या जिल्ह्यांमध्ये जोरदार पावसाची शक्यता आहे. तसेच काही भागात मेघगर्जनेसह आणि विजांच्या कडकडाटासह पावसाची शक्यता आहे.
गेल्या 4-5 दिवसांपासून पुण्यात मुसळधार पावसाने हाहाकार माजवला आहे. आज पुणे व आसपासच्या परिसरात आकाश ढगाळ राहण्याची आणि मध्यम स्वरूपाचा पाऊस पडण्याची शक्यता हवामान विभागाने वर्तवली आहे. तसेच आज पुणे जिल्ह्याच्या घाट विभागात तुरळक ठिकाणी मुसळधार ते अतिमुसळधार पावसाची शक्यता आहे. त्यामुळे आज IMD ने पुणे जिल्ह्याच्या घाट विभागात पावसाचा रेड अलर्ट जारी केला आहे.
2024-07-27T02:41:28Z dg43tfdfdgfd