MAHARASHTRA WEATHER UPDATE: राज्यात पावसाचा जोर वाढला, आज या 2 जिल्ह्यांना IMD कडून रेड अलर्ट जारी

Rain Red Alert in Maharashtra: मुसळधार पावसामुळे राज्यातील जनजीवन विस्कळीत झाले आहे. राजधानी मुंबईसह कोकण आणि विदर्भात जोरदार पाऊस कोसळत आहे. या मुसळधार पावसामुळे शाळकरी मुलांना आणि नागरिकांना त्रासाचा सामना करावा लागत आहे. या पावसामुळे मुंबई लोकलही उशिराने धावत असल्याने नोकरदार त्रस्त झाले आहेत. अशातच आजही राज्यात मुसळधार पावसाची शक्यता आहे. IMD ने आज राज्यातील 2 जिल्ह्यांना रेड अलर्ट जारी केला आहे. आज राज्यात कसे हवामान असेल ते जाणून घेऊयात...

या 2 जिल्ह्यांना पावसाचा रेड अलर्ट

आज मुंबईसह राज्यातील विविध जिल्ह्यांमध्ये जोरदार पावसाची शक्यता आहे. हवामान विभागाने आज कोकणातील रत्नागिरी आणि विदर्भातील गडचिरोली या दोन जिल्ह्यांना पावसाचा रेड अलर्ट जारी केला आहे. या दोन्ही जिल्ह्यात आज मुसळधार पाऊस पडण्याची शक्यता असल्याने सामान्य जनजीवनावर परिणाम होण्याची शक्यता आहे. त्यामुळे नागरिकांनी योग्य ती खबरदारी घेण्याचे आवाहन प्रशासनाने केले आहे.

या 9 जिल्ह्यांना पावसाचा ऑरेंज अलर्ट

आज राज्यातील बहुतांशी जिल्ह्यांमध्ये पावसाचा जोर वाढण्याची शक्यता आहे. आज हवामान विभागाने ठाणे, रायगड, सिंधुदुर्ग, सातारा, नांदेड, गडचिरोली, वर्धा, नागपूर आणि अमरावती या जिल्ह्यांना पावसाचा ऑरेंज अलर्ट जारी केला आहे. या जिल्ह्यांमध्ये मध्यम ते मुसळधार पावसाची शक्यता आहे. तसेच काही ठिकाणी वादळी वारेही वाहण्याची शक्यता IMD ने वर्तवली आहे.

राज्याच्या या भागात पावसाचा यलो अलर्ट

आज मराठवाडा आणि उत्तर महाराष्ट्रातही पावसाची शक्यता आहे, त्यामुळे हवामान विभागाने या भागात पावसाचा यलो अलर्ट जारी केला आहे. त्याचबरोबर आज मुंबई, पालघर पुणे आणि कोल्हापूर या जिल्ह्यांमध्येही पावसाचा यलो अलर्ट जारी करण्यात आला आहे. त्यामुळे या सर्व भागातील नागरिकांनी योग्य ती काळजी घेण्याची शक्यता IMD ने वर्तवली आहे.

मुंबई आणि उपनगरात पावसाला सुरुवात

शुक्रवारी रात्रीपासून राजधानी मुंबई आणि उपनगरात मुसळधार पावसाने हजेरी लावलेली आहे. त्यामुळे ठिकठिकाणी पावसाचे पाणी साचायला सुरुवात झाली आहे. याचा फटका लोकल रेल्वे सेवेला बसण्याची शक्यता आहे. आज दिवसभर पावसाचा जोर कायम कायम राहण्याची शक्यता आहे.

2024-07-20T02:28:50Z dg43tfdfdgfd