NAVI MUMBAI CRIME NEWS: नवी मुंबईतला भयानक प्रकार, महिलेने बिअर बॉटलने चक्क भाचीवर केला वार

Navi Mumbai Crime News: नवी मुंबईत एक धक्कादायक घटना घडली आहे. इथे एका महिलेने तिच्या भाजीवर बिअर बॉटलने वार केल्याची माहिती मिळाली आहे. या हल्ल्यानंतर पीडित तरुणी गंभीर जखमी झाली आहे. नुरी तुफिक शेख असे बिअर बॉटलने भाचीवर वार करणाऱ्या महिलेचे नाव आहे. या महिलेवर भारतीय दंड संहितेच्या 307 कलमानुसार (हत्येचा प्रयत्न) गुन्हा दाखल करण्यात आला आहे. (Crime News)

नक्की काय आहे प्रकरण ?

नवी मुंबईत (Navi Mumbai News) नुरी तुफिक शेखने (Noori Tufik Shaikh) आपल्या 20 वर्षीय तरुणीवर बिअर बॉटलने वार केला. दोघींमध्ये आधी भांडण झाले त्यानंतर चिडून नुरीने भाचीवर हल्ला केला, असे पोलिसांनी सांगितले. मंगळवारी पोलिसांनी या घटनेविषयी माहिती दिली. पोलिसांनी हल्ल्या करणाऱ्या बाईवर गुन्हा दाखल केला आहे. पण या प्रकरणात अद्याप कोणालाही अटक (Arrest) करण्यात आलेले नाही.

हल्ला करणारी बाई आणि पीडित तरुणी या दोघीही ठाणे- बेलापूर रोडवर तुर्भे रेल्वे स्टेशनजवळ रस्त्यावर सामान विकण्याचे काम करतात.

पोलीस अधिकाऱ्यांनी सांगितले की, ही घटना रविवारी रात्री ठाणे-बेलापूर रोडवर एका ब्रिजजवळ घडली. ब्रिजजवळ नुरी आणि तिच्या भाचीमध्ये वाद झाले. त्यानंतर आरोपी नुरीने आपल्या भाचीला बिअर बॉटलने मारले.

पोलीस अधिकाऱ्यांच्या मते, पीडित तरुणीच्या मानेवर तुटलेल्या बिअर बॉटलने अनेक वेळा वार करण्यात आले आहेत. त्यामुळे तरुणी गंभीर जखमी झाली आहे. पण या प्रकरणात अद्याप हल्ला करणाऱ्या नुरीला अटक का करण्यात आले नाही ? असा प्रश्न सगळ्यांना पडला आहे. पोलीस सबळ पुराव्याचा शोध घेत असावे, असा एक अंदाज वर्तवला जात आहे. तसेच नुरी आणि तिची भाची एकाच कुटुंबातल्या असल्याने आता कुटुंबियांकडून या प्रकरणात आणखी काही माहिती मिळते का, ते पाहावे लागेल.

नवी मुंबईत गुन्ह्यांची संख्या वाढत आहे. यापूर्वी नवी मुंबईतील नेरुळ भागात एका व्यकीचा मृतदेह आढळला होता. या व्यक्तीच्या डोक्यावर कुणीतरी वार केला होता. पोलिसांनी सीसीटीव्हीच्या मदतीने आरोपीचा सुगावा लावला. सीसीटीव्ही फुटेजवरुन हल्लेखोर पीडित व्यक्ती बेशुद्ध झाल्यावर तिथून निघून गेला होता. हल्ल्याच्या वेळी तिथे एक कुत्राही होता पण हा कुत्रा हल्लेखोरावर अजिबात भुंकला नव्हता. कुत्रा आणि हल्लेखोराचा संबंध जोडत पोलिसांनी या प्रकरणातील आरोपीचा शोध लावला.

2024-05-07T11:01:34Z dg43tfdfdgfd