PF ACCOUNT: UAN नंबरशिवाय चेक करा PF बॅलन्स; एका SMS, मिस्ड कॉलवर मिळेल माहिती
PF Account Balance Check Online: प्रत्येक देशाची सरकारे विविध योजना राबवून आपल्या नागरिकांना सामाजिक सुरक्षा प्रदान करतात. इतर देशांप्रमाणेच भारत सरकारही आपल्या नागरिकांना विविध योजनांद्वारे सामाजिक सुरक्षा प्रदान करते. ईपीएफओच्या माध्यमातून देशातील नोकरदारवर्गाला तसेच लोकांना सामाजिक सुरक्षा प्रदान केली जाते. ईपीएफओ अंतर्गत, नोकरदारवर्गाला अनेक प्रकारची आर्थिक मदत मिळते. तुम्हीही नोकरी करत असाल तर तुमचे EPFO खाते नक्कीच असेल. या खात्यात लॉगीन करण्यासाठी तुम्हाला यूएन (UAN) क्रमांकाची आवश्यक असते. खरतंर अनेक वेळा लोकांना त्यांचा यूएन क्रमांक आठवत नाही. अशा वेळेस काळजी करण्याची गरज नाही. तुम्ही युनिव्हर्सल अकाउंट नंबर शिवाय त्यांच्या पीएफ खात्यातील माहिती (PF Account Balance) जाणून घेऊ शकता. (PF Account Interest Rate)
EPFO खातेधारकांना मिळतात या सुविधा
ईपीएफ खाते असलेल्या सदस्यांना भविष्य निर्वाह निधी, पेन्शन योजना आणि इंन्शुरन्स स्कीमचे लाभ मिळतात. ईपीएफशी संबंधित कोणत्याही प्रकारच्या कामासाठी तुम्हाला UAN क्रमांक द्यावा लागतो. जर तुम्ही EPFO च्या कक्षेत येत असाल, तर हा UAN नंबर काय आहे आणि त्याचा फूल फॉर्म काय आहे हे जाणून घेणे तुमच्यासाठी खूप महत्वाचे आहे? खरतंर 12 अंकी UAN क्रमांक हा नोकरदार व्यक्तीचा यूनिव्हर्सल अकाउंट नंबर असतो. हा त्या व्यक्तीच्या EPFO सदस्यत्वाच्या संपूर्ण आयुष्यासाठी ओळखपत्र म्हणून वापरले जाते.मिस्ड कॉलद्वारे जाणून घ्या बॅलन्स (How To PF Check Account Balance by Missed Call)
- मिस्ड कॉलद्वारे ईपीएफ मधील बॅलन्स चेक करण्यासाठी ईपीएफओवर टोल फ्री क्रमांक जारी करण्यात आला आहे.
- यासाठी तुमच्या रजिस्टर मोबाईल क्रमांकावरून 9966044425 किंवा 011-22901406 या क्रमांकावर कॉल करा.
- मिस्ड कॉल प्राप्त होताच, पीएफ खात्याचे डीटेल्स एसएमएसद्वारे तुमच्या नंबरवर पाठवले जातील.
- लक्षात ठेवा की, तुम्हाला हा मिस कॉल वर दिलेल्या त्याच नंबरवर करावा लागेल.
यूएन शिवाय पीएफ खात्यातील शिल्लक कशी चेक करायची?
- प्रथम epfindia.gov.in वर जा आणि लॉगिन करा.
- होमपेजवर 'Know Your EPF Balance' या पर्यायावर क्लिक करा.
- यानंतर 'मेम्बर बॅलन्स इन्फॉर्मेशन' वर क्लिक करा.
- आता तुमचे राज्य निवडा. त्यानंतर इपीएफओ ऑफिस लिंकवर क्लिक करा.
- आता तुमचा पीएफ अकाउंट नंबर, नाव आणि रजिस्टर मोबाइल नंबर सबमिट करा.
- यानंतर तुमचा पीएफ बॅलन्स दिसेल.