RAVIKANT TUPKAR HEALTH UPDATE : रविकांत तुपकरांची प्रकृती बिघडली, उपचारासाठी रुग्णालयात दाखल

Ravikant Tupkar Health Update : शेतकऱ्यांच्या प्रश्नासाठी अन्नत्याग आंदोलन केल्यामुळे शेतकरी नेते रविकांत तुपकर यांची प्रकृती खालावली आहे. त्यामुळे त्यांना उपचारासाठी छत्रपती संभाजीनगर येथील MGM रुग्णालयात दखल करण्यात आले आहे. चार दिवस अन्नत्याग केल्यामुळे रविकांत तुपकर यांच्या रक्तातील साखरेचे प्रमाण अतिशय कमी झाले आहे. यामुळे किडणीवरही परिणाम झाला आहे. त्यामुळे त्यांना रुग्णालयात दाखल करण्यात आले आहे.

तुपकर यांच्यावर सध्या छत्रपती संभाजीनगर येथील MGM रुग्णालयात उपचार सुरू आहेत. शेतकऱ्यांच्या प्रश्नांवर 11 सप्टेंबर रोजी रविकांत तुपकरांची राज्य सरकार सोबत मुंबईत बैठक होणार आहे.

काय आहेत रविकांत तुपकरांच्या नेमक्या मागण्या?

महाराष्ट्रात सोयाबीन आणि कापसाचे उत्पादन मोठ्या प्रमाणात घेतले जाते. परंतु, शेतकऱ्यांना त्यांच्या उत्पादनासाठी योग्य भाव मिळत नाही. उत्पादन खर्चही निघत नाही आणि कापूस व सोयाबीनला उत्पादन खर्चाचा अर्धा भाव देखील मिळत नाही. त्यामुळे शेतकऱ्यांना आर्थिक अडचणींना सामोरे जावे लागत आहे. याच कारणासाठी सोयाबीन आणि कापसाला योग्य दर मिळवण्यासाठी रविकांत तुपकर यांचे आंदोलन सुरु आहे.

पार्टनरशी एकनिष्ठ राहिल्यास या अटींवर मिळते लॉयल्टी - शाहरूख खान

शंभर टक्के भरपाई शेतकऱ्यांना मिळाली पाहिजे

मागील काही दिवसांत झालेल्या अतिवृष्टीमुळे शेती पिकांचे मोठ्या प्रमाणावर नुकसान झाले आहे. या नुकसानीची शंभर टक्के भरपाई शेतकऱ्यांना मिळाली पाहिजे. याशिवाय, फेब्रुवारीपर्यंत मिळायला हवा असलेला पीक विमा (Crop Insurance) अजूनही शेतकऱ्यांना मिळालेला नाही.

सरसकट शंभर टक्के पीक विमा

शंभर टक्के पीक विमा सर्व पात्र आणि अपात्र शेतकऱ्यांना मिळावा अशी मागणी तुपकर यांनी केली आहे. गेल्या अनेक दिवसांपासून सोयाबीन आणि कापूस दरासह पिक विम्याच्या मागणीसाठी रविकांत तुपकर हे लढा देत आहेत.

चिनी आई-बाबा का आहेत Professional Parents च्या शोधात, जाणून घ्या काय असेल काम आणि किती मिळणार पगार

बैठकीत प्रश्न सोडवू - धनंजय मुंडे

दरम्यान, काल रात्री तुपकर यांची स्थानिक उपविभागीय अधिकारी यांनी भेट घेतली होती. तसचे कृषीमंत्री धनंजय मुंडे यांनीही तुपकर यांच्याशी फोन वरून बातचीत केली होती. आंदोलन थांबवून मुंबईला या, आपण बैठकीत प्रश्न सोडवू असे आवाहन मुंडे यांनी केले होते. मात्र, तुपकर हे आपल्या आंदोलनावर ठाम होते. त्यानंतर रात्री तुपकरांची तब्बेच बिघडल्यानंतर त्यांना रुग्णालयात दाखल करण्यात आलं आहे.

11 सप्टेंबर रोजी मुंबईत बैठकीचे आयोजन

छत्रपती संभजीनगरच्या एमजीएम रुग्णालयात त्यांच्यावर उपचार सुरु आहेत. दरम्यान, रविकांत तुपकर यांच्या मागण्यांसदर्भात 11 सप्टेंबर रोजी मुंबईत बैठकीचे आयोजन करण्यात आले आहे. यामध्ये आता शेतकऱ्यांच्या प्रश्नावर तोडगा निघणार का ? हे पाहणे महत्वाचे ठरणार आहे.

2024-09-08T02:37:19Z dg43tfdfdgfd